അദ്ദിക്ർ

അദ്ദിക്റിനെ മൂടിവെച്ച കപടവിശ്വാസികളും കുഫ്ഫാറുകളും ഇഹത്തില്‍ വെച്ച് അവനുവേണ്ടി ഒരുക്കിവെച്ച സമ്പാദ്യം വിധിദിവസം കാണുമ്പോള്‍ 'ഓ! എന്‍റെ നാശം, ഞാന്‍ മണ്ണായിത്തീര്‍ന്നിരുന്നെങ്കില്‍ എത്ര നന്നായിരുന്നേനേ' എന്ന് വിലപിക്കുമെന്ന് 78: 40 ലും; അദ്ദിക്ര്‍ വന്നുകിട്ടിയിട്ട് അതിനെ അവഗണിച്ച അക്രമി പരലോകത്തുവെച്ച് തന്‍റെ കൈകടിച്ച്, 'ഓ! എന്‍റെ നാശം, ഞാന്‍ പ്രവാചകന്‍റെ മാര്‍ഗ്ഗം പിന്‍പറ്റിയിരുന്നെങ്കില്‍; ഓ! എന്‍റെ നാശം, ഞാന്‍ ഇന്നാലിന്നവനെ ആത്മമിത്രമായി തെരഞ്ഞെടുത്തിട്ടുണ്ടായിരുന്നില്ലെങ്കില്‍ എത്ര നന്നായിരുന്നേനേ, അവനാണല്ലോ എന്നെ അദ്ദിക്റില്‍ നിന്ന് എനിക്ക് അത് വന്നുകിട്ടിയതിനുശേഷം തടഞ്ഞത്, പിശാച് മനുഷ്യന് മഹാവഞ്ചകന്‍ തന്നെയായിരുന്നുവല്ലോ' എന്ന് വിലപിക്കുന്ന രംഗം 25: 27-29 സൂക്തങ്ങളിലും മുന്നറിയിപ്പ് നല്‍കിയിട്ടുണ്ട്. അങ്ങനെ പിശാച് അദ്ദിക്റില്‍ നിന്നാണ് മനുഷ്യനെ തടയുക എന്ന് അന്ത്യനാളില്‍ അവന്‍ സ്വയം സമ്മതിക്കേണ്ടി വരും. 3: 51 ല്‍ വിവരിച്ച പ്രകാരം ഫുജ്ജാറുകളില്‍ ആരും തന്നെ ഇന്ന് ഒരു പ്രവാചകനെയും നബിയെയും പിന്‍പറ്റാത്തവരും അല്ലാഹുവിനെ സേവിക്കുന്നതിനുപകരം പിശാചിനെ സേവിച്ചുകൊണ്ടിരിക്കുന്ന ഭ്രാന്തന്മാരുമാണ്. 2: 121, 168-169; 3: 30 വിശദീകരണം നോക്കുക.